احنا بنذاكر ليه ؟هو احنا عملنا ف حياتنا ايه ؟
عشان بالمذاكره يحكموا علينا !
ويكتفوا بيها ادينا ....ليه؟
سهر ليالي عالفاضي ...
والغش خلي الكل ناجح بالتساوى ..
ومدرسين كل يوم بتروح وتيجي ...
جزارين جهزوا سكاكنهم للاهالي ...
فلوس كتير بتندفع ...وايام كتيره من اجنده الحياه بتتقطع ..
احنا بنذاكر ليه ؟..
بنذاكر عشان نتعلم ؟.
قالوا زمان العلم ف الراس ...العلم مش ف الكراس
لكن دلوقتى العلم ف الكراس ...حفظ وخلاص
يا خويا ده علم يوجع الراس ...
طب بنذاكر عشان نتوظف ؟..
وظيفه ايه يا عم دي؟..
عباره عن شهاده اعلقها عل حيطتى ..
او ..
احطها تحت مخدتى ...
وظيفه ايه يا عم دي ؟
اللي مش قادر اعيش بيها عيشه هنيه !
مش قادر اجيب بيها حق الميه !
وظيفه ايه يا عم دي ؟
ازاي افتح بيها بيت ...وانا جيبي من الفلوس فاضي؟؟
احقق ازاي بيها مستقبل ؟....وانا عنها غير راضي ؟؟
يعنى عشان مجموعي كده دخلنى ؟؟
امال فين قدراتى ومواهبي ؟؟
كل ده بسكين المجموع دبحوه ...
كل ده ف تعليمك يا (....) دفنوه
يبقي احنا بنذاكر ؟؟
واصلا دخلنا الثانويه ليه ؟؟
قولولي يا ناس ساكتين ليه ؟
السؤال ده هيجننى ::::
:::احنا بنذاكر ليه ؟::::
:::::::::::::::::::::::::::::::::::::::::::::::::: :::سؤال ينتظر الاجابه
موضوع: احنا بنذاكر ليه ؟...سؤال ينتظر الاجابه 
الثلاثاء مايو 29, 2012 3:52 am
